Жүктөрдү жөнөтүүнүн тартиби

Урматтуу кардарлар!

Жүктү жөнөтүү үчүн төмөнкү аракеттерди аткарууңуз зарыл:
1. Жүктү Аба жүк борборунун кампасына тапшыруу. Бул боюнча Аба жүк борборунун Кампа башчысына кайрылыңыз. Жүктүн салмагын өлчөтүңүз.
2. Жүктү Аба жүк борборунун кампасында жайгашкан текшерүү жабдууларынан өткөрүү. Бул боюнча "Манас" аэропортунун Текшерүү бөлүмүнүн кызматкерине кайрылыңыз (пост Аба жүк борборунун кампасында жайгашкан).
3. Жүктү документтештирүү үчүн Авиажүк накладной толтуруу. Бул боюнча ЖАК "Манас Менеджмент Компаниясынын" аймагында жайгашкан жүк агенттерине кайрылыңыз.
4. Жүктү "Манас" бажы кызматынын постунда бажы тариздөөсүн жүргүзүү ("Манас" бажысынын посту Аба жүк борборунун 1-кабатында жайгашкан, тел. +996 (312) 69-33-72).
5. Бардык бажы төлөмдөрүн жана жыйымдарын төлөө (РСК Банктын кассасы Административдик имараттын 2-кабатында, №2,9 бөлмөдө жайгашкан, тел. +996 (312) 69-36-38).
6. Аба жүк борборунун жүктү түшүрүү/жүктөө жана сактоо кызматтары үчүн төлөм жүргүзүү (төлөмдү кабыл алган кассир Авиажүк накладнойго жеке мөөрүн, төлөм суммасын, ПКО номерин жана датасын коёт).
7. Аба жүк борборунун Диспетчерине кайрылуу. Ал Авиажүк накладнойдо төмөнкү белгилердин болушун текшерет:
- Аба жүк борборунун кассиринин кызмат үчүн төлөм жүргүзүлгөндүгүн тастыктаган мөөрү;
- "Манас" бажысынын бажы тариздөөсү жана жүктүн чыгарылышы тууралуу мөөрү.
8. Жүк коштоочу документтерди тариздөөдө төмөнкү документтер болушу керек:
Жеке жактар үчүн:
- Паспорт;
- Нотариалдык жактан күбөлөндүрүлгөн ишеним кат (жүк жөнөтүү жана документтерди тариздөө укугу менен).
Юридикалык жактар үчүн:
- Ишеним кат (ыйгарым укуктуу адамга);
- Ыйгарым укуктуу адамдын паспорту.>